General Santos City—Duha ang nasikop sa gihimong search operation sa PDEA-12 inabagan sa kapulisan ug sa militar sa area sa Pikit, North Cotabato niadtong nakalabayng adlaw.
Unang nasikop si Baljunaid Ali, 40, residenti sa Barangay Forth Pikit, Pikit, Cotabato, nakuha sa iyang posisyon ang (4) ka sachet sa gituohang shabu nga nagkantidad ug P2,720.00.
Sunod nga nasikop ang usa ka Danny Calungsod, 31 anyos samtang nakasibat ang kaubanan niining si Richard Calungsod human nga nakamatikod sa presensya sa mga awtoridad.
Nakuha sa posisyon ni Danny ang (5) ka sachets sa suspected shabu nga may estimated value nga P3,400.00
Subay sa taho sa PDEA-12 nga ang mga dinakpan makonsiderang high value targets, ug miyembro sa drug group nga naga-operate sa Cotabato Province.
Kasong kalapasan sa Section 11 (Possession of Dangerous Drugs), Article II sa Republic Act 9165 (Comprehensive Dangerous Drugs Act of 2002) ang gikatakdang ipasang-at nga kaso batok sa mga dinakpan ug sa kaubanang nakasibat.
