General Santos City—Kilat maoy gituohan sa Bureau of Fire Protection nga hinungdan sa pagkaugdaw sa duha ka mga panimalay nga gama sa light material nga nahimutang sa purok 25, Barangay Mabuhay Gensan alas 5:00 ang takna kagahapong adlawa.
Sumala ni SFO2, Macacuna Tumambiling, Arson Investigator sa Bureau of Fire Protection Gensan nga ang maong mga balay gipanag-iyahan sa usa ka Alfredo Timbal.
Base matud pa sa ilang pag imbistigar, walay tawo ang maong mga balay dihang nahitabo ang insidedenti. Wala silay laing gidudahang hinungdan sa pagkasunog kon dili mao ang kilat gumikan walay kuryente ang maong balay.
Ayha matud pa nahitabo ang sunog, kusog kaayo ang kilat sa maong lugar. Sa inisyal nga imbistigasyon mukabat sa P10,000.00 ang damyos sa maong sunog.
