General Santos City—pabilin pa sa balay tambalanan sa Malungon ang duha ka mga biktimang una nang naigo sa kilat sa may Barangay Tamban, Malungon, Sarangani Province nga silang si Kinti Capital ug Abnel Bansil, samtang nagpaalim pa sa ilang balay si Renjun Pandamon, pulos hamtong og residente sa maong lugar.
Nasayran nga ang tulo apil sa lima nga naigo sa kilat niadtong Lunes alas 2:00 sa hapon samtang gila nagdula ug Billiard sa maong lugar. Sa maong insidenti patay ang mga biktimang silang si Edgar Kong, 45 anyos taga Sitio Lambugat Malungon Sarangani Province og usa ka Ariel Diagan 22 anyos, susamang residente sa lugar.
Nasayran nga unang higayon nga nahitabo sa ilang barangay nga dunay naigo sa kilat ug namatay. Saysay pa sa usa ka biktima nga anaa sa balay tambalanan nga kalit lang silang nakadungog ug kusog nga buto dayon sama nga sila gikuryenti.
Nangalagpot sila gumikan na usab sa kusog nga impact ang duha nila ka mga kaubanan maoy nagrabihan tungod nakabsan gyud sa ilang kinabuhi.
