Subling gipakita sa duha ka mga Caraganon nga dili mabiya ang kinaadman sa mga estudyante nga produkto sa mga kolehiyo ug Unibersidad ning rehiyon sa Caraga, sa dihang duha sa mga taga dinhi ang nakasulod sa top 10 sa Licensure Examination for Teachers (LET) Elementary level.
Daghan ang nag-atang sa resulta sa LET ug hingpit kining gipagawas sa Professional Regulations Commission (PRC) kagahapong adlawa.
Nabutang sa ika-upat nga pwesto si Jeannette Florendo Francisco nga graduado sa Agusan del Sur State College of Agriculture and Technology human nakuha niya ang rating nga 88.80%.
Nabutang usab sa top 10 si Mark John Mariñas Martinez, kinsa graduado usab sa Agusan del Sur State College of Agriculture and Technology, sa iyang 87.60% nga kuha.
Base sa talaan sa PRC, niabot sa 90,750 ang mikuha sa LET sa elementary level ug anaa lang sa 18,409 ang nakapasar kon anaa sa 20.29% ang passing percentage.
Samtang sa secondary level niabot sa 126,582 ang nikuha sa pasulit ug anaa lamangg sa 60,803 kon anaa sa 48.03% nga passing percentage.
Sent from my Samsung Galaxy smartphone.
