General Santos City—Sikop ang duha ka mga Communist NPA Terrorist (CNT) Leaders , samtang upat ka mga CNT Members ang misurender sa ilang mga kaugalingon niadtong nakalabayng adlaw.
Una nang nagpahigayon ug Manhunt Charlie ang hiniusang pwersa sa PRO 12 inubanan sa National Support Unit, Sarangani PPO, PMFC Sarangani, 27th IB Philippine Army, Maitum MPS ug RMFB 12 sa Sitio Buting, Brgy. Bati-an, Maitum, Sarangani Province, nga miresulta sa pagkasikop nilang ni Ngo Magaw, Pronting-Team Leader sa Segunda, Platoon Samsung ilawom sa Guerilla Front MUSA, FSMR; ug Bwen Malantaw, Team Leader sa Doming-Platoon 1, ilawon Guerilla Front MUSA, FSMR.
Ang maong mga Wanted Persons ang naaresto gumikan sa kasong Murder. Ang mga nahisgutan maoy gitudlong suspek sa pagpatay kang Pastor Jun Sebastian niadtong December 15, 2019 sa Brgy. Kalaneg, Maitum, Sarangani Province.
Samtang duha ka White Area Committee (WACOM) Personalities ug upat ka CNT Members ilawom sa GF MUSA, FSMR ang misurender sa kapulisan ug opisyal sa military sa Sitio Tibuyong, Brgy. Lamfugon, Lake Sebu, South Cotabato niadtong Enero 6, 2020.
Bitbit sa mga nasampit ang duha ka unit sa hand grenade, usa ka unit sa cal. 45 pistol nga adunay magazine, unom ka rounds sa buhing bala, ug usa ka unit cal. .38 revolver.
Nasayran nga anaa na sa 110 ka CNT members ang misurender, naaresto ug nanyutralisa ilawom sa pagdumala ni PBGEN Alfred S Corpus, Regional Director sa PRO 12, sugod niadtong September 13, 2019, hangtod sa kasamtangan.
