2 ka empleyado sang Provincial Government sang South Cotabato, arestado sa buy-bust operation.

Arestado sa ginpatigayon nga buy-bust operation sang gintingob nga pwerss sang Philippine Drug Enforcement Agency 12, Koronadal City Drug Enforcement Unit kag South Cotabato Provincial Drug Enforcement Unit sa mismo bisinidad sang Provincial Engineer’s Office, Brgy. Zone 4, Koronadal City alas 10:30 kahapon nga adlaw, February 5, 2020.
Ginkilala ang mga empleyado nga naaresto nga sanday Renante Juntado Anas Alias Lantoy, 36-anyos, residente sang Brgy. Buenavista, Surallah, South Cotabato kag Joemel Vicenti Cabrera, 39 –anyos kag residente sang Purok Masipag, Brgy. Sta. Cruz.
Naaresto ang mga suspek sang nagpasugot nga magbaligya sang shabu kambyo sang P500.00 buy-bust money.
Nakuha sa mga suspek ang sachet sang shabu nga may kabug-aton nga more or less 0.05 gram.
Lunsay empleyado sang Provincial Engineers Office South Cotabato ang mga suspek sa diin si Anas ang permament employee kag Heavy Equipment Operator I samtang si Cabrera ang contractual employee.
Kaso naman nga pagbayolar sa Section 5 kag 11, Article II, RA 9165 ang ipasaka batok sa mga suspek nga sa subong nakadetine sa PDEA 12 Detention Facility.