LA CASTELLANA, NEGROS OCCIDENTAL – Duha ka mga estudyante ang nasamaran matapos naaksidente ang motor nga ila ginasakyan pasado las 7 sini gid lamang nga aga sa Sitio Villa Cana, Brgy. Robles, banwa sang La Castellana.
Nakilala ang mga biktima nga sanday Syrel Tan, 18 anyos ang edad, isa ka senior highschool student kag amo ang naga-maneho sang motor, subong man si Lennarth Mojas, 18 anyos ang edad, back rider naman sang motor.
Suno sa mga biktima nga nadulaan sang control ang amo nga motor gani nag-awas ini sa gutter kag naglabog sa kampo ang mga biktima.
Si Syrel nag-angkon sang pila sa ila ilong kag batiis samtang si Lennarth naman may pilas sa iya ulo.
Ang mga biktima dali-dali nga gindala sa Corazon Locsin Montelibano Memorial Regional Hospital./dyHB BACOLOD
