CAUAYAN, NEGROS OCCIDENTAL – Gina-dayaw ni Negros Occidental Police Provincial Office (NOPPO) director, Police Senior Superintendent Rodolfo Castil, Jr. ang kaisog sang lima ka pulis nga katapo sang Cauayan Police Station nga wala nag-atras batok sa mga masobra sa 30 ka mga armado nga lalaki nga ginapatihan katapo sang New People’s Army (NPA).
Suno kay Castil nga tuman sa karon ang paghalong sang kapulisan sa mga set-up scenario nga gina-himo sang pila ka rebelde nga grupo kaangay sang natabu sa Guihulgan City, Negros Oriental.
********************************************************
5 VS. 30
Pasado alas 12:50 kahapon sang nag-responde ang mga katapo sang Cauayan PNP sa isa ka reported attempted robbery sa Brgy. Lina-on sa diin isa ka foreigner ang gina-alegar na-biktima.
Naglakat naman ang mga kapulisan bangud nga ila nalang ulayhunon ang pagkuha sang isa ka wanted person sa syudad sang Sipalay.
Ang sakay sang Mahindra Police Car amo sanday: SPO1 Jeorge Anthony Lorrenton, PO3 Turk Libo-on, PO2 Thom Amable Mamigo, PO1 John A. Mabayag kag PO1 Sunny Boy Llena.
Apang pag-abot sa mga pulis sa Sitio Buta, Brgy. Caliling, ini sila ang ginpa-arakan luthang sang indi magnubo sa 30 ka mga armado nga lalaki.
********************************************************
ON-SITE ACCOUNT
Suno kay Kagawad Erlinda Doremon nga wala napuruhan ang police car bangud nga nag-overtake naman ang isa Crosswind nga may sakay nga foreigner padulong sa syudad sang Sipalay.
Pilason naman ang driver sang Crosswind kag ang sakay sini nga duwa ka Swedish National.
Samtang, wala naman nag-atras ang mga pulis kag nagbato naman sa armado nga grupo kag nag-engage sa firefight nga naglawig naman sa tubtob sa 20 minutos.
********************************************************
RECEIVED CALLS NEEDING POLICE ASSISTANCE
Suno sa hepe sang Cauayan PNP – Police Chief Inspector Garry Allan Resuma, nga naka-baton na sila sang tawag sa mga nagliligad nga adlaw angot sa pila ka scenario nga kinahanglan sang police assistance.
Apang, gina-verify gid sang mga pulis ang nagakabaton nga tawag sa diin indi naman ini matu-od.
Dugang pa ni Resuma nga ginapahog pa sila sang mga callers nga e-reklamo sa Ombudsman bangud nga kadugay sa ila mag-responde.
********************************************************
UPDATES AND RECOVERIES
Padayon naman nga gina-bulong ang mga pilason nga sakay pribado nga salakyan nga nakilala naman sanday: Karl Christer Arvidson, 48 yrs old, nga gikan sa Brazil kag Juliana Palmero, 42 yrs old sang Switzerland kag Jason Tamayao, isa ka Pinoy nga residente sang Barangay Alijis, Bacolod City (driver).
Ang mag-asawa ang magapadulong kuntani sa isa ka resort sa Sipalay City agud mag-celebrate sang ila wedding anniversary.
Samtang, narecover naman ang mga empty shells sang M-16 armalite rifle kag AK-47 nga nakuha gikan sa gin-plastaran sang mga armado.
Sang temprano pa lang may nakit-an nga apat ka lalaki nga naga-edad 18-20 anyus.
********************************************************
SUBJECT TO BE CONFIRMED
Padayon pa gina-verify sang ang report nga may yara sang na-ulamid nga driver sang traysikol sang natabu ang ambush. Base man sa pila ka residente sa lugar, nga may napilasan nga tatlo tubtob apat sa bahin sang mga rebelde./ Larry Trinidad/RMN photo
