Molave, Zamboanga Del Sur – Patay ang duha ka suspetsado nga gitoohang mga gun for hire ug sakop sa Parojinog Drug Syndicate dihang nisulay pagsukol sa kapulisan didtong dapita sa National Highway, Brgy. Culo, Molave, Zamboanga Del Sur alas 2:45 kagahapon sa hapon.
Sa nahipos nga impormasyon sa RMN DXPR Pagadian, naglusad og Combined police operation ang tropa sa Regional Intelligence Division 9, 902nd Maneuvering Company sa Regional Mobile Force Battalion 9 ug Molave Municipal Police Station batok sa duha ka notorious nga gun for hire.
Dihang gisita ug gipahunong sa otoridad ang target nga sila si Melvin Louie Pasok Bongabong alias Bobong, ug Ernesto Briones. Dali matud pa kini nga nihulbot sa ilang armas ti-on punting ngadto sa operatiba sa kapulisan, aron masiguro nga maluwas sa piligro ang intelligence officers sa PNP, diha-diha gibuthan sa kapulisan ang mga suspek.
Narekober kang Melvin Louie Bongabong ang (back rider): ang usa ka unit Caliber .38 revolver samtang si Ernesto Briones , ang usa ka unit Caliber .38 revolver ug daghanang klase sa bala.
Base sa intelligence reports, ang mga napatay nga suspek sakop sa Parojinog crime syndicate, partikyular nga nalambigit sa “robbery, carnapping, illegal drugs ug pangontrata sa pagpatay.
Ang Molave Municipal Police Station nakigkutay na sa Zamboanga Del Sur Police Provincial Office SOCO team alang sa pagproseso sa mga nakalas.
