General Santos City–Hustisya karon ang gustong maangkon sa pamilya sa biktimang si Ben Pameron, 45 anyos, driver nga taga brgy.Poblacion, Polomolok South Cotabato kansa gipusil patay sa duha ka wala mailhing suspek sa niadtong adlaw nga sabado.
Pagbutyag sa asawa sa biktima nga si Roselyn pameron nga usa ka buotan ang iyang bana og wala silay nahibaw-an nga dunay nakalaban ang nasampit nganong gipusil man kini nga nanginabuhi lamang kini pinaagi sa pagdrive og trisikel alang sa iyang pamilya.
Nagtuo ang mga nasampit nga posibleng gibaligya ang iyang bana o naalaan lang gumikan kay permanente matud pa kining naka-mask, nakaantipara ug nakakalo.
Kahibaluan nga una ng gipusil patay ang biktima sa terminal sa bus sa Polomolok alas 2:30 sa hapon adlawng Sabado samtang gapaabot og pasahero.
Kalit mibutho ang usa ka suspek deretso posil sa biktima igo sa ulo nga meresulta sa kamatayon niini samtang gilayong misibat ang mag suspek sakay og motorsiklo palayo sa lugar. Sa karon padayon ang gihimong imbestigasyon sa kapolisan aron madakpan ang suspek og masuta ang motibo sa krimen. (Reynald Timario)
