Patay samtang ginapaidalom sa medikasyon ang isa ka Indonesian National nga ginkilala kay Johnny Orangdatang, 20-anyos kag residente sang Barangay Poblacion, Tupi, South Cotabato. matapos nga magbato suno pa sa mga pulis sang ginpapondo ang mga ini sa national highway, Barangay Sulit, Polomolok.
Kaupod suno pa si Orangdatang sang target nga myembro sang ISIS inspired group nga Dawlah Islamiya nga si Ali Boy Nilong nga wanted sa kaso nga frustrated murder.
Apang tigayon naman nga nakapalagyo ang suspek sakay sa motorsiklo sa Barangay Poblacion, Tupi sa diin naaresto ini.
Nakuha sang mga pulis sa lugar sa diin natabo ang insidente ang tatlo ka mga basyo sang 9mm, motorsiklo kag duha ka sachet sang ginasuspetsuhan shabu.
Samtang, sa follow- up operation sang gintingob nga pwersa sang Polomolok kag Tupi PNP sang nakit-a ang isa pa nila ka kaupod nga si John Mark Orangdatang sa Crossing Palkan, Polomolok.
Nagbato man suno pa ang suspek sa mga pulis rason nga nakaangkon ini sang igo sang bala kag gilayon man nga gindala sa ospital, apang gindeklarar nga dead on arrival sang attending physician.
Nakuha naman sang SOCO team sa suspek ang isa ka 38 revolver, mga bala kag basyo kag duha ka sachet sang ginasuspetsuhan shabu.
Gindala naman sa South Cotabato PCLO ang mga nakolekta nga fired slug para sa ballistic examinations.
