Duha ka mga long jump-player sa bag-uhay lang gitak-upan nga Caraga Regional Athletic Meet 2018 ug isa pa ka laing biktima ang pulos patay sa usa ka vehicular accident sa miading adlaw sa may highway Rosario, Agusan del Sur.
Giila sa hepe sa Rosario Municipal police station Sr Inspector Aldren Camo ang duha ka atleta nga sila si Sherwin Arellano, 17 years old ug Michael Jun Rendon, 18 anyus.
Ang duha ka napatay malampusong misalmot sa regional meet dinhi sa Butuan, ug midula sa event nga long jump.
Pulos sila dead on arrival sa dihang gidala kini sa tambalanan gumikan sa mga samad sa ilang kalawasan.
Laing biktima naila sa pangalan nga si Edison Fernandez, 21 anyos;
SA report mibangga sa nagdagan nga prime mover truck ang Rossi singlemotor nga gisakyan sa tulo.
Gidugang pa sa hepe nga pauli na ang mga biktima kinsa ubos sa ilimnong dihang nahitabo ang insidente.
Wala pa usab masayri kung ang mga namatay mi qualify ba sa palarong pambansa.
