South Cotabato- apil nga gitanggalan sa NAPOLCOM ug supervisory power sa Local PNP ang duha ka mga Mayores sa South Cotabato gumikan sa ilegal nga droga.
Base sa gipagawas nga resolution no. 2017-573 sa NAPOLCOM nga gipagula niadtong October 30, 2017, nga pirmado ni Interior and Local Government officer-in-charge ug Napolcom chairman Catalino Cuy ug uban pang opisyal sa NAPOLCOM ug sa Philippine National Police sa pagpanguna ni PNP Chief Director General Ronald dela Rosa, wala nay katungod nga magmando sa kapulisan silang si Banga Mayor Albert Palencia ug Sto Nino Mayor Pablo Matinong Jr.
Nasayran nga apil sa mga mayor nga gitanggalan ug police power mao silang Zamboanga del Sur Governor Antonio Cerilles;Sinacaban, Misamis Oriental Mayor Crisinciano Mahilac; Lopez Jaena, Misamis Occidental Mayor Michael Gutierrez; Sapang Dalaga, Misamis Occidental Mayor Donjie Animas; Oroquieta City, Misamis Occidental Mayor Jason Almonte; Concepcion , Misamis Occidental Mayor Juanidy Viña; Calamba, Misamis Occidental Mayor Ezel Villanueva; Pasuquin, Ilocos Norte Mayor Ferdinand Aguinaldo; Concepcion, Tarlac Mayor Andres Lacson Angeles, Pampanga Mayor Edgardo Pamintuan; Subic, Zambales Mayor Jefferson Khonghun; Camiling, Tarlac Mayor Erlon Agustin; Ronda, Cebu Mayor Mariano Blanco; Santo Niño, South Cotabato Mayor Pablo Matinong Jr; Libungan, North Cotabato Mayor Christopher Cuan; Banga, South Cotabato Mayor Albert Palencia; Midsalip, Zamboanga del Sur Mayor Leonida Angcap; El Nido, Palawan Mayor Niever Cabunalda-Rosento; ug Bataraza, Palawan Mayor Abraham Ibba.
Samtang gikakurat usab ni Mayor Matinong nga naapil pa ang iyang pangalan sa listahan sa mga mayores nga gitanggalan ug police power luyo paman nga iya nang gihimo ang tanan aron nga mahinluan ang iyang pangalan batok sa aligasyong siya lambigit sa iligal nga droga. hinuon iyang girespito ang NAPOLCOM ug dawaton nalang ang mando, apan subli niining gihingusgan nga siya wala nalambigit sa iligal nga droga.
