South Cotabato – malampusong nasikop ang usa ka lalaki kansa nag-atubang ug kasong murder atol sa gihimong operasyon operatiba sa Tupi Municipal Police Station inabagan sa Malungon Municipal Police Station.
Una nang nasikop ang suspek nga si Tirso Buan Manggoy, 25, ulitawo ug residente sa Sitio Maligaya, Barangay Datal Batong, Malungon, Sarangani Province.
Nasikop ang nahisgutan sa nakalabayng adlaw didto sa pinuy-anan niini sa Barangay Datal Batong, Malungon Sarangani Province pinasikad sa warrant of arrest sa kasong murder nga una nang gipagula ni Honorable Judge Eddie Rojas sa RTC 11th Judicial Region, Branch 29, Polomolok, South Cotabato pinitsahan ug Mayo 9, 2013.
Walay pyansang girekomenda ang korte sa kaso sa nasangpit. Sa karon commitment order nalang ang gihuwat sa kapulisan aron nga mabalhin na ang nahisgutan sa South Cotabato Provincial Jail.
