General Santos City—kampanti karon ang duha ka mga banggiitang mga abogado og konsehal sa General Santos nga silang City Councilor og Atty. Edmar Yumang og City Cuncilor Atty Jeng Gacal Jr., nga mao usab ang committee chairperson sa peace and order sa Sangguniang Panlungsod nga kayang maresolba sa kapulisan sa Gensan sa pagpanguna ni OIC City PNP Director Police Sr Supt. Romeo Ruel Berango ang pagsiaw o pag garagara sa mga riding in tandem criminals sa Gensan karong mga panahuna.
Dugang pa sa duha ka mga banggitang mga konsehal sa Gensan nga kung seryosohon lamang sa kapulisan ang ilahang tahas kon trabaho sa pagpakgang sa kriminalidad sa siydad kayang kaya kaayu nga maundang ang paglihok sa mga riding in tandem criminals sa siyudad.
kahibaluan nga sukad niadtong bulan sa Enero 2017 hangtod ning mga panahuna misaka na sa 65 ang gipang patay og sagad niini kahimuan sa mga riding in tandem criminals.
Kahinumduman nga sa 65 nga gipang patay sa mga riding in tandem criminals sa Gensan wala pa sa katunga ang mga naresolba niini og nagpabiling talinghaga pa sa katawhan sa Gensan kung si kinsa kinsa ang mga nagpaluyo sa mga gibansagang riding in tandem criminals tungod hangtod karon pakyas gihapon ang kapulisan sa gensan nga mapresenta sa media ang mga nasaluyo sa riding in tandem criminals.
Apan aduna na matud pay gipanday karon ang Sangguniang Panlungsod sa Gensan sa pagpanguna ni Kagawad og Atty. Edmar Yumang og ordinansa nga magbawal og paggamit sa closed helmet sa mga nakamotorsiklo sa gensan.
Samtang mismong si city councilor og atty. Jeng Gacal ang miaksiyon na usab og kabalaka sa pagtaas sa kriminalidad sa Gensan nga sagad kahimuan sa mga riding in tandem criminals.
Gani dugang pa sa maong konsehal nga dili maayu alang sa usa ka siyudad sama sa Gensan nga adunay galihok nga mga riding in tandem kung asa angayang ang pulis ang misikop og mupatuman sa balaod og dili ang mga Kriminal. (Emir Bariquit)
