Laing duha ka sakop sa New Peoples Army kon NPA ang boluntaryong nitahan ngadto sa 8th Infantry (DEPENDABLE) Battalion (8IB), kaniadtong Biyernes, July 13 ning tuiga.
Alas 9 sa buntag, usa ka Alias Sander, 20 anyos, ug miyembro sa Squad 3 PEDLER, Sub-Regional Committee 2 (SRC2), North Central Mindanao Regional Command (NCMRC), ang nitahan sa iyang kaugalingon dala ang usa ka US Springfield rifle.
Samtang sa susamang adlawa, alas 4 sa hapon, usa ka Alias Jems, 20 anyos, ug miyembro sa Squad 1, Platoon JADE, Sandatahang Platun Pampropaganda 3 (SPP3) TOTO, Guerilla Front 4B (GF4B), NCMRC ang mi-surrender sa kasundalunan dala ang usa ka Carbine rifle ug mga buhing mga bala.
Nasayran nga dili pa lamang dugay, mukabat sa 118 ka supporter sa CPP-NPA ug miyembro sa Milisyang Bayan (MB) ang nanumpa ug pagsuporta ngadto sa gobyerno pinaagi sa hiniusang paningkamot sa Local Government of Impasugong ug 8IB’s Community Support Program (CSP) team in Brgy Bulonay, Impasugong, Bukidnon kaniadtong Hulyo 5, 2018.
Alayon niini, gidayeg ni Brigadier General Eric Vinoya, ang Commander sa 403rd Infantry Brigade, ang desisyon sa maong duha ka mga miyembro sa NPA nga nibalik sa sabakan sa gobyerno.
Nakadawat ang maong mga surrenderees ug tabang pinansiyal ilawom sa programa sa gobyerno nga Enhance Comprehensive Local Integration Program (ECLIP).
