General Santos City—Patay ang duha ka motorist human nga nagbagaanay ang ilang mga motorsiklo ala 1:00 ang takna sa kabuntagon sa National Highway nga sakop sa Barangay Ligaya, Gensan.
Giila ang mga biktima nga silang si Angelo Izada, residente sa Barangay Maribulan, Alabel ug Junjie Maude, legal age nga taga Poblacion, Alabel, Sarangani Province.
Subay sa impormasyon nga nahagpat sa DXMD RMN Gensan News Team, nagsugat matud pa ang duruha sa dalan nga miresulta sa paglagpot sa mga nahisgutan.
Tungod sa kusog nga impact, parehong nakaangkon ug grabeng mga samad ang mga biktima nga hinungdan sa ilang kamatayon.
Sa karon ang patayng lawas sa mga nasampit ang anaa na sa lokal nga punerarya dinhi sa dakbayan sa Gensan.
Facebook Comments
