NPA mikumpirma 2 ka rebelde samaran sa ambush sa Prosperidad
Kumpermadong adunay duha ka mga miyembro sa New People’s Army ang samdan sa nahitabong bakbakan kagahapon sa San Jose, Prosperidad, Agusan del Sur . Pamahayag ni Ka Amihan, tigpamaba sa NPA sa Agusan del Sur nga luwas na ang duha ka mga sakop sa NPA nga samdan.
Niya pa nasayod nang daan nga adunay tropa sa PNP nga moagi sa lugar ug nahibalo sila sa lihok sa mga pulis.
Dili ambush kun dili counter ambush ang nahitabo kagahapon sa buntag sa National highway, Brgy. San Jose, Prosperidad, Agusan del Sur. Kini ang gihingusgan ni PCol. Rogelio Raymundo, Officer In-Charge sa Agusan del Norte Police Provincial Office.
Sigun sa opisyal nakita nang daan sa pito ka mga sakop sa Agusan del Sur Provincial Mobile Force Company nga sakay sa patrol car ang presensya sa NPA nga naka-ambush posisyon sa lugar.
Niya pa unang nakapabuto ang tropa sa gobyerno batok NPA nga miresulta sa pila ka minuto nga bakbakan kagahapon na miresulta sa pagka-angol ni Patrolman Carmelo Estioco nga padayong gitambalan karon sa hospital. Ug gitoohan sa opisyal nga posible adunay mga sakop sa NPA ang samdan sa maong hitabo gumikan sa mga pat-ak sa dugo sa lugar.
Gitawag sa opisyal nga usa ka dispiradong lakang ang gihimo sa NPA gumikan matud pa kay daghan na sa mga sakop ug supporters niini ang mitahan balik sa gobyerno ug ubay- ubay na sab ang napatay sa membro sa NPA gipahigayong operasyon.
Samtang gikabutyag sab ni Capt. Alvin Viernes, Civil Military Officer sa 401st Brigade Phil. Army nga usa ka hot pursuit operation gilayon ang ilunsad sa mga sakop sa Mobile group ug Special Forces Battalion sa Phil. Army batok NPA. [image: ambush prosperidad.jpg]
