General Santos City–Managlahi ang nahimong reaksyon sa duha ka pastor sa dakbayan kalabutan sa pangutana kung komporme ba sila sa nahimong resulta sa bag-ong migawas nga SWS Survey kalabutan sa ratings ni Pangulong Rodrigo Duterte kung asa nakakuha ug very good nga ratings ang pangulo.
Sumala pa ni pastor Bernie Bartolome nga alang kaniya nagadepende kini kung asa nagakuha ug survey ug si kinsa nga mga tawo ang ilang ginainterview kay kung didto sila magkuha ug survey sa mga tawo nga positibo kang Pangulong Duterte posibleng makakuha gayud ug taas nga ratings ang pangulo.
Dugang pa ni Pastor Batolome nga daghan man usab may nahimo nga kaayuhan si Pangulong Duterte ug duna usab nahimo nga kapalpakan ilabi na sa mga kontrobersyal nga isyu niadtong milabayng bulan nga wala niini nahatagan ug pagtagad ug kasulbaran.
Samtang pagbutyag usab ni Pastor Ham Figueroa nga dako siyang komporme sa nakuha nga taas nga rating ni Pangulong Rodrigo Duterte sa SWS survey luyo pa man sa mga kontrobersyal nga giatubang sa pangulo gumikan kay ang pangulo matud pa gihapon ang maayong pangulo sa nasud nga giboto sa katawhan.
Nagtuo usab ang maong pastor nga daghan pod nga nahimong kaayuhan ang pangulo sa Pilipinas alang sa katawhan, apan gipaklaro usab sa pastor nga dili siya kumbinsido kung tinuod ba gayud kining survey sa SWS gumikan kay dili matud pa tibuok Pilipinas ang ma-interview sa maong survey. (Reynald Timario)
