Pagpatay sa NPA sa 2 ka pulis Butuan hugot gikundina sa PRO 13
Hugtanong gikondina sa Police Regional Office (PRO)13 ang gihimong pagpatay sa mga rebeldeng New People’s Army ngadtu na sa duha ka mga pulis sa Brgy Antongalon, Butuan City kaganinang buntag.
Mismong si PNP Caraga Regional Director, Brigadier General Romeo Caramat, Jr ang mikundina atol sa interview sa RMN DXBC Butuan.
Asoy pa sa General bisan adunay atraso ang maong mga pulis, subay sa alegasyun nga nagpasabong walay katungod ang mga teroristang NPA nga muhunos sa kinabuhi sa mga biktima.
Subay sa report gikan sa Butuan City Police Office BCPO ang mga biktima mao sila PEMSgt CAjutol ug Patrolman Libot naka destino sa station number 4 sa Ampayon.
Ang mga napatay ngapahigayon sumala pa ug intelligence monitoring sa lugar ug didtu nasugatan ni-ini ang kapin 10 ka mga myiembro sa NPA. Apan asoy sa mga sibilyan taud taud na ang mga pulis nga anaa sa manukan sa kanhi City Director sa Butuan Colonel Canilo Fuentes.
Nakadawat na usab ug intelligence report ang PRO13 nga planong atakihon sa mga NPA ang maong farm nga gipanagiyahan ni Col Fuentes.
Ang pag ataki isip silot sumala pa sa opisyal kinsa nagpahigayun ug tari tari matag karun ug unya sa lugar.
Alas 6:00 kapin kun kulang kaganihang buntag, dili muubos sa 20 ka myiembro sa rebeldeng NPA ang misulod sa mismong firebird gamefarm sa Sitio Tagulaje, Antongalon, Butuan City nga gipanagiyahan sumala pa ni Colonel Canilo Fuentes.
Subay sa impormasyon sa mga civilian sa lugar nga kalit lamang misulpot ang mga armadong mga lalaki sa lugar ug nangutana asa kining 2 ka mga pulis, sa walay langan, samtang nag grass cutter si PEMSgt Cajutol gigapos kini ug gipusil kauban si Patrolman Libot.
