Roxas City, Capiz – Pormal na nga guintugyan ni Governor Tony del Rosario sa Aksyon Tabang ang duha ka rescue bilang dugang nga kagamitan sa pagresponder sa tion sang emerhensiya ilabi na sa pagluntad sang baha sa probinsya sang Capiz.
Sa guinpatigayon nga blessing sang nasambit nga kagamitan sang tinalikdan nga Setyembre 6 sa atubangan sang Kapitolyo Probinsyal guinpahayag ni Governor del Rosario nga ang duha ka rescua boat ang igapahamtang sa nahauna kag segundo distrito sa probinsya sang Capiz agud nga mas madasig ang pagresponder sa pumoluyo nga nagakinahanglan sang tabang.
Magluwas sa bag-o nga mga rescue boat,sa masunod nga tuig magapa-in sang dugang nga pondo ang provincial government sa pagbakal sang dugang nga kagamitan nga gamiton sa tion sang kalamidad.
Sa nahibaluan nga ang Disaster Preparedness ang isa lang sa guinahatagan pagtamod sang gobierno probinsyal sang Capiz sa administrasyon ni Governor Tony del Rosario agud nga mangin preparado sa tanan nga oras ang Capiznon sa posibli pagluntad sang ano man nga kamalidad nga maga-agi sa probinsya sang Capiz.
(c) Capiz Aksyon News Center
