Davao City – Walay lusot ang duha ka mga yanong indibidwal sa National Bureau Investigation (NBI) Davao City human nga nasikop tungod sa iligal nga pag-refill sa mga butane sa Purok Tambis, Brgy. Gredu, Panabo City, alas-9 sa buntag, Nobyembre 5, 2025 (Miyerkules).
Base sa gipahigayong press conference, parehong mga residente sa Panabo City ang mga dinakpan diin gihimo ang iligal nga operasyon sa usa ka abandonadong balay sugod alas-6 sa buntag nga gikan sa usa lang ka 150 kilograms LPG, maka-produce na og kapin 300 ka mga butane sulod lang sa duha ka oras.
Sumala sa imbestigasyon sa NBI, duha na ka tuig ginapahigayon ang operasyon ug naga-deliver gamit ang mga motorsiklo sulod sa Panabo City.
Mag-atubang og kasong paglapas sa Trademark infringement ug Unfair competisyon ang mga dibakpan nga kasamtangang anaa sa kustodiya sa NBI.
RadyoMaN Gretchel Egut
Facebook Comments
