General Santos City—nag padayon pa karon ang imbistigasyon sa police station 4 kabahin na sa pagpamusil sa duha ka mga kristo sa sabungan nga silang Eduardo Hiramil ug si Ryan Baldivieso, pulos taga Barangay Mabuhay, Gensan.
Sumala pa Police Chief Inspector Hoover Antonio, Hepe sa Police Station 4 nga sa karon padayon ang ilahang back ground investigation sa mga nasangpit aron usab nga masayran ang mga aktibidadis sa mga biktima ug didto mag sugod ang ilahang imbistigasyon.
Sa karon matud pa gitan-aw nila ang tanang posibleng motibo sa pagpamusil sa duruha ka mga biktima niadtong milabay nga adlaw sa brgy. Mabuhay.
Sa kasamtnagan aduna na nay ginasundan nga person of interest ang kapulisan apan ilaha pang sutaon ang posibleng kalambigitan niini sa maong mga biktima. (Dave Silagan)
