Davao City – Mga pinutos nga shabu ang nasakmit sa kapulisan sa Sta Ana PNP gikan sa nasikop nga suspetsadong drug pusher atol sa buy bust operation alas 2:40 sa kaadlawon sa 4th avenue, Brgy. Leon Garcia ning syudad.
Ang suspek giila nga usa ka Sunie Velasco Lim alyas Sony, 41 anyos, ulitawo ug nagpuyo sa nasampit nga lugar.
Lakip sa nakompiskar gikan kang Sony ang buy bust money nga gigamit sa pulis nga nagpakaaron-ingnong mopalit og shabu ngadto sa suspek.
Ang dinakpan balhug na sa selda sa Sta Ana PNP ug mag-atubang sa kasong kalapasan sa Republic Act 9165 kun Comprehensive Dangerous Drugs Act of 2002.
RadyoMan Don Pulayao
Facebook Comments
