Maga pulis del Culianan Police Station ya aresta con dos maga alegao ladron de motor seguiendo con el reclamo del mismo victima.
Si Raymond Gillena, 16, nativo de Labason, Zamboanga del Norte ya reclama na estacion de Culianan hablando que mientras ta maneha le su XRM motorsiclo na Pasobolong, tiene ya lang dos persona ya planta conele pusil y ya saca su motor.
Dayun ya actua el maga pulis con el reclamo del victima y ya conduci sila hot pursuit operation donde ya resulta na aresto del dos persona con quien ya conose como canda Rodolfo Montebon, Jr., 38 y si Ruben Guerrero, 19, ambos del mismo barrio.
Ya pwede tambien recobri na destos possession el motor del victima.
El dos suspechao ay enfrenta el caso del carjacking na corte.
Facebook Comments
