South Cotabato–Angol ang usa ka Sotero Pasqil Sr., 59-anyos, minyo ug lumulupyo sa Purok Acacia, Brgy. Danlag, Tampakan, human gidunggab.
Matud pa sa imbestigasyon, nakig-inom ang biktima sa iyang nakabangi nga si Teddy Remudaro.Gidunggab ni Remudaro ang biktima igo sa tiyan.
Diha-diha gidala si Pasqil sa balay tambalanan samtang nadakpan si Remudaro sa kapulisan.
Samtang laing pagpanunggab ang nahitabo sa Crossing Virayo, Barangay Lamian, Surallah. Naila ang suspek nga si Kalbo Virayo, 39-anyos lumulupyo sa maong lugar. Giila ang biktima nga si Jonel Peñafiel Bitantos, 45-anyos.
Sa inisyal nga imbistigasyon sa kapulisan nasuta nga nag-inom sa managlahing lamesa sa maong lugar ang biktima ug ang suspek.
Ang biktima miadto sa lamesa sa suspek ug nangutana apan nasuko ang suspek ug kalit ra gidunggab ang biktimang si Bitantos.
Sa pagkakaron, padayon ang ginahimong imbestigasyon sa kapulisan sa maong insidente. (Synymer Carisma Obena)
