General Santos City—samdan ang duha ka mga personahe human nga nalambigit sa rumble nga nahitabo sa usa ka imnanan sa may Makar , Barangay Labangal, Gensan.
Mga biktima nailhang silang si Leonardo Carido, 22 anyos ug Niño Pintor, 24, Pulos residenti sa Purok Malok, Barangay Labangal, Gensan.
Subay sa report gikan mismo Dr. Jorge Royeca Hospital kung asa nadala ang mga biktima, alas 3:40 sa kaadlawon kaganina dihang gipangdala ang mga nahisgutan sa maong balay tambalanan.
Adunay samad dinunggaban, ug binunalan ug buak nga botelya ingon man bun-og sa kalawasan ang naangkon sa mga biktima.
Nalambigitan matud pa sila sa rumble nga nahitabo sa Dragon mart nga nahimutang sa Makar ,Labangal duol lang sa Police Sation 2. Sa karon padayon pa ang gihimong imbistigasyon sa kapulisan kalabutan sa insidenti.
