Padayon karon ang pagtaas sa kaso sa dengue sa probinsya sa Bukidnon.
Sa interview sa DXMB –RMN Malaybalay gibutyag ni Dr. Ricardo Reyes ang provincial health officer sa PHO-Bukidnon nga padayon ang pagtaas karon sa dengue tungod sa panahon sa ting-ulan.
Matud ni Dr. Reyes nga base sa ilang record, sa 2015 adunay 3,000 ka kaso sa probinsya, 6,000 ka kaso kung doble ang pagtaas kaniadtong 2016; samtang niubos ngadto sa 2,000 ka kaso sa 2017 ug gikan sa Enero hangtod Agosto 2018 adunay 2,000 ka kaso na.
Gikadismaya usab niya nga wala pa man nahuman ang tuig apan ubay-ubay na ang kaso.
Gidugang pa sa provincial health officer nga nakatala ug daghang kaso sa dengue ang dakbayan sa Valencia, gisundan sa Malaybalay City, lungsod sa Maramag, Quezon ug ikalima ang Don Carlos.
Samtang ang mga gagmay nga lungsod nga adunay pagtaas sa kaso kung ikumpara sa nakalabay nga tuig ang mga lungsod sa Dangcagan, Kibawe ug Libona.
