Napuno sa kaligotgot ang pipila ka residente ning dakbayan sa Iligan human sa nasinati nga walay agas sa tubig sa pipila ka Barangay.
Kini gumikan sa mibuto nga tubo sa tubig sa may barangay Tomas Cabili maoy hinungdan nga walay tubig ang pipila ka mga barangay nga gisuplayan niini.
Matud pa ni Engineer Josephus Albao sa Iligan City Waterworks, nga nahitabo ang pagbuto sa maong tubo alas 9:30 ang takna kagabie ug karon padayon pa nilang gi ayo ang maong nadaot nga linya sa tubig.
Nangayo usab ug despensa ang ICWS gumikan sa maong panghitabo ug misaad nga himoon ang ilang makaya aron mahibalik ang tubig sa mas daling panahon.
Gihangyo usab ni Konsehal Renato Ancis ang BFP nga maoy mosupply ug tubig sa mga lugar nga apektado.
Sa latest nga pakisusi sa ICWS, posibleng maabtan pa sa tulo ka adlaw ayha mubalik ang supply sa tubig sa mga apektadong lugar.
| | Virus-free. www.avast.com |
