Sarangani Province—pakyas ang operatiba sa Philippine Drug Enforcement Agency (PDEA) RO-12, National Intelligence Coordinating Agency (NICA), Joint Task Force (JTF) Gensan, Regional Public Safety Battalion (RPSB 12 ug Maasim Municipal Police Station nga masikop ang duha ka gikaingong miyembro sa Ansar Al Khilafa Philippines ug miyembro sa Drug group nga naglihukan sa Maasim ug Kiamba, Sarangani atol sa ilang gihimong operasyon sa kaadlawon niadtong Myerkules, July 19, 2017.
Unang gipakanaugan ug Search Warrant ang panimalay ni Norodin Lawas Alias Kadulog, 33, minyo, van driver, ug residenti sa Barangay Kanalo Proper, Maasim, Sarangani Province.
Apan ayha paman na served sa otoridad ang Search Operation sa panimalay sa suspek, kini malampuson nang nakasibat. Nakumpiska gikan sa panimalay niini ang mukabat sa (15) ka gramo sa suspected shabu nga gibana-banaang anaa sa P75,000.00 ug usa ka (1) fragmented grenade.
Si Lawas, Miyembro sa drug group nga nag operate sa Sarangani Province ug sinaligan sa namatay nga founder sa Ansar Al-Khilafah Philippines (AKP), nga si Mahammad Jafaar Maguid Alias Tokboy Maguid, iladong ISIS sympathizer.
Alas 3:30 sa kabuntagon sa samang adlaw, gipahigayonan usab ub operasyon sa PDEA uabn ang NICA, JTF Gensan, 27th Infantry Battalion Philippine Army, RPSB 12 ug Kiamba Municipal Police Station ang panimalay ni Marife Maguid Y Spadilla, 39, residenti sa Purok Crismus, Barangay Nalus, Kiamba, Sarangani Province.
Nakumpiska gikan sa iyang panimalay ang (20) ka gramo sa suspected shabu nga gibana-banaang P100,000.00. (1) ka eyeglasses case nga may sulod nga (10) ka assorted SIM cards, (2) ka passports, (3) ka unit sa cellular phones, mga resibo, nagkandaiyang drug paraphernalia’s ug (1) ka unit rifle grenade.
Si Maguid ang ikatulong asawa ni KUmander Tokboy, miyembro gihapon sa drug group nga nagaoperate sa Sarangani ug miyembro usab kini sa AKP.
Kasong paglapas sa se. 11 (Possession of Dangerous Drugs), Article II sa Republic Act 9165 (The Comprehensive Dangerous Drugs Act of 2002) ug Republic Act 9516 ang gikatakdang ipasang-at batok sa mga suspetsado kansa nagpabilin karon nga gipangita sa otoridad human nga nakasibat.
