General Santos City—Patay ang usa ka driver sa motorsiklo samtang tulo usab ang angol sa nahitabong pagbanggaanay sa duha ka motorsiklo sa may Yumang St. Kanto Botanic St., ning dakbayan sa Gensan.
Ang mga biktimang namatay mao si Ralf Barcelona, nga taga 2nd. Bo. Lagao, samtang angol silang si Ervie Aber Gonsado, back rider, Rogelio Paglinawan, driver sa motorsiklong nakabangga sa namatay nga biktima ug jay palma, back rider ni Rogelio.
Sumala ni Gonzado nga alas 3:00 ang takna sa gabuntagon , pauli na unta sila sa ilang panimalay dihang ilang nakasugat ang motoriklong gimanihuan ni rogilio. Dugang niini nga wala dayon nakabantay ang biktimang si Ralf mao nga maayo gyong pagkabangga sa duha ka sakyanan.
Gideklarang dead on arrival sa dr. Jorge Royeca hospital si Barcelona samtang ginatambalanan pa ang tulo pa ka mga biktima.
