Dos miembro del que se llama lawless group ta opera na maga lugar bajo na distrito de Curuan el ya sale muerto mientras unu irido durante el encuentro entre maga pulis de Curuan y SCAA na Sitio Gulit, Lakiki, Sibuco, Zambaonga del Norte del Webes aga.
Con el dos muerto ya nombra como canda Isabelo Zapanta Tarroza y Alexandro Delos Reyes mientras el arestao ya conose como si Nasser De Leon quien ya sostene irida na pies.
Base na report del pulis el maga pulis junto con el maga SCAA ya anda na Stio Gulit, Lakiki, Sibuco para conduci operacion contra con el grupo di Tarroza donde ya tene estos cambiajan de tiro.
Despues del cuanto minuto tirajan, ya sale muerto canda Tarroza y Delos Reyes mientras irido si De Leon.
Ta aparese na report del pulis el grupo di Tarroza responsable na robo del maga animal y hold-up na maga lugar bajo na Curuan Police Station.
Maga pulis ya puede tambien recobri dos pusil ta duenia el maga mal gente.
