BACOLOD CITY, NEGROS OCCIDENTAL – Ginsugata sang bad news sa 2018 ang pamilya sang duha ka biktima nga lunsay ginpangbuno matapos ginsaulog ang bag-ong tuig, samtang isa naman ang natiruhan.
Nakilala ang ginlabo nga sanday Adriano Tornilla, 27 ayos ang edad, pumuluyo sang Purok Adarna, Brgy. 16, Bacolod City.
Ini siya ang nag-angkon sang pilas sa ulo tuga sang wala makilala nga suspek kag sa wala gintumod nga motibo.
Pilas man sa ulo ang naangkon sang biktima nga si Anthony Agulto, 26 anyos sang Purok Buri, Brgy. Pandanon, banwa sang Salvador Benedicto.
Suno sa biktima ini siya ang naga-inom inom sa isa ka tiyange sang may isa ka tawo nga nag-maoy kag hinali na lamang nga ini siya ang ginlabo.
Sa pihak nga bahin, didto naman sa ciudad sang Kabankalan, natiruhan ang biktima nga kilala kay Gema Espirella, 35 anyos ang edad sang Brgy. Oringao pasado las 11 kagab-i.
Suno sa report, aksidente nga nahulog ang armas ni Rodolfo Revolvon, 38 anyos ang edad gani ini ang naglupok kag naigo ang biktima.
Ini siya ang nag-angkon sang pilas sa iya sulok-sulok kag padayon karon ginabulong sa Corazon Locsin Montelibano Memorial Regional Hospital./ Photo not the actual weapon used
