BACOLOD CITY – Marami ang namamatay sa maling akala, kon sa tagalog pa. Ini ang natabo sa isa ka teenager nga nalukpan sang piccolo sa kagab-i sa Brgy. Banago, diri sa ciudad sang Bacolod.
Ang biktima ginkilala kay James Francisco, 12 anyos ang edad, pumuluyo sang Purok Mahimulaton, Brgy.Banago, sining ciudad.
Suno sa biktima nga iya ginsindihan ang isa ka piccolo, apang nagpensar ini nga wala pa nagasiga ang palupok gani wala niya anay ini ginbuy-an.
Daku na lamang ang kakibot ni James sang nagsigabong na ang amo nga palupok sa iya kamot.
Bangud sini, nasamaran ang duha ka tudlo sang biktima, sa iya index kag middle finger kag padayon karon ginabulong sa Corazon Locsin Montelibano Memorial Regional Hospital.
Sa La Carlota City, gindala man sa Salvador Benedicto District Hospital ang isa ka 13 anyos nga bata nga lalaki sang ini ang nagsindi sang piccolo kahapon sang hapon apang pagkalipas sang isa ka oras, gilayon man nga ginpaguwa. / RMN Korondanal photo/ Not the actual photo
