BACOLOD CITY – Duha ang patay kag isa ang samaron sa nagluntad nga pagpangbuno pasado alas dos kaina sang kaagahon sa Barangay Alijis.
Ang biktima nga pilason ang ginkilala kay Jerry Martinez, nga ginabulong subong sa Bacolod Adventist Medical Center samtang ang duha ka mga nagkalamatay nga nag-angkon sang mga buno sang ila nga lawas, ang wala pa makilala.
Suno kay P/Chief Insp. Ramil Sarona, hepe sang Police Station 7, nga pauli na ang mga biktima sang sila ang ginlambatan sang mga suspetsado nga mag-utod kag ginpangbuno.
Nagapati ang mga kapulisan nga may nagluntad nga paglinagsanay bangud ang isa ka biktima ang nasapwan sa area sang Olympia Village samtang ang isa ka biktima ang nakit-an sa Purok Masagana sa Alijis Road.
Nahibaluan nga antis nagluntad ang insidente, ang mga biktima kag ang mga suspetsado ang yara sa isa ka bar sa Barangay Alijis, kag nagsinuyaay.
