General Santos City—duha ang kompermadong patay samtang tulo samdan sa nahitabong pagsungag sa duha ka mga sakyanan sa national Highway,sakop sa may Purok Johny-Ang Paradise, Barangay City Heights ning dakbayan sa Gensan alas 2:00 pasado ang takna kaganinang kabuntagon.
Giila ang biktimang namatay nga si Bayani Calonso, 22, driver sa Mirage nga sakyanan ug Francis Paul Rosales, 27 anyos, residenti sa Doña Solidad, Barangay Labangal, Gensan, pasahero gihapon sa maong sakyanan. Samtang samdan ang mga kaubanan sa duruha nga silang si Imee David ug Joshua Tumambling.
Angol usab ang driver sa starex nga sakyanan nga si Nilson Carlos Jr. , 33 anyos nga taga Barangay city heights, Gensan.
Nasayran nga gikan sa sentrong bahin sa syudad ang Mirage samtang gikan usab sa Area sa Apopong ang Starrex van, pag abot sa tulay nga bahin nagbangga ang duha ka mga sakyanan mao nga maayo gyud nga pagkayupi niini.
Nakangkon ug grabeng samad silang si Rosales ug Calonso nga hinungdan sa ilang kamatayon. samtang kasamtangan pa karon nga giatiman sa mga doctor ang mga biktimang naangol apil na ang driver sa Starex Van.
