General Santos City–nagtingkagol karon sa lock up cell sa PDEA-12 ang gikonsiderang high value target sa ilahang buhatan human atol sa gipahigayong buybust operation sa naghiusang pwersa sa PDEA-12 ug Police Station 3 niadtong milabay nga adlaw sa Barangay Apopong ning syudad.
Giila ni PCI Peter Pinalgan Jr., Hepe sa Police Station 3 ang suspect nga si Jerry Pacin, 30, ug nanimuyo sa Prk 2, Sto niƱo, Barangay Apopong ning syudad nga gikaingong dakong supplier sa iligal nga droga sa ilahang area hinungdan nga nakig alayon sila sa PDEA aron nga pahigayunan ug buybust ang nasanagpit.
Nakuha sa posisyon sa suspek ang duha ka mga dagku nga sachet sa gituohang shabu nga adunay gibug-aton nga 50 ka gramos nga adunay gibana banaang kantidad nga P250,000.00 ingon man ang buybust money nga 500 ka pesos.
Makonsidera matud pa ang suspect nga si Pacin nga high value target sa PDEA tungod usab sa gidaghanon sa mga droga nga nakuha kaniya. Sa kasamtangan giandam na sa otoridad ang kasong pag supak sa RA 9165 batok sa suspek. (Dave Silagan)
