Patay ang duha ka mga driver sang motorsiklo, matapos nga nagbungguanay sa national highway, Prk. Maligaya, Brgy. Dajay, Surallah, South Cotabato alas 7:30 kagab-i, Oktubre 19, 2020.
Sa nasambit nga insidente ginaimbolberan ini sang Kawasaki Bajaj 100 MC, color red bilang V-1 nga ginamaneho ni Jordan K Sague, legal age kag residente sang Brgy. Basag, T’boli, South Cotabato kag Honda Wave 100 MC, color red/black bilang V-2 nga ginamaneho naman ni Rolly Labordo Namananap, 49 –anyos, may-asawa kag residente sang Prk. Rosas, Brgy. Dajay, Surallah, South Cotabato.
Sa imbestigasyon sang Surallah MPS ang duha ka mga motorsiklo ang nagasubay sa opposite direction sa diin ang V1 ang padulong sa Lake Sebu, South Cotabato kag ang V2 ang halin sa Brgy. Colongulo, padulong sa Brgy. Dajay, Surallah. Apang pag-abot sa Prk. Maligaya, Brgy. Dajay, partikular na sa Beda area, nagbungguanay ang mga ini.
May-angot sini, ang drivers sang nasambit nga mga motordiklo ang nakaangkon sang pilas sa mga nagkalain-lain nga parte sang ila nga lawas sa diin ang driver sang V1 ang gindala sa Javelosa hospital sa Surallah, apang gindeklarar nga patay sang attending physician, samtang ginapaidalom sa medikasyon kag ang driver naman sang V2 ang gilayon man nga gindala sa Lariosa Clinic and Hospital, apang gindeklarar man nga dead on arrival sang attending physician.
