Mangunguma patay, matapos nga naghikog sa Tampakan, South Cotabato.

22

Patay na sang nasapwan ang isa ka mangunguma pasado alas 4:00 sang hapon kahapon nga adlaw, Oktubre 19, 2020, matapos nga nagkomitir sang suicide sa Sitio Logdeck, Brgy Tablu, Tampakan, South Cotabato.
Ginkilala ang biktima kay Raymart Berit Masamloc, 26-anyos kag residente sang nasambit nga lugar.
Sa imbestigasyon sang Tampakan MPS ang biktima kag ang iya nga live-in partner nga si Lydia Man ang may wala pag-intiendihanay tatlo ka adlaw ang nagligad nga nagdesisyon naman si Lydia nga temporaryo nga magtinir sa balay sang iya nga amay nga yara sa 15 metros ang kalayuon sa ila nga balay.
Samtang alas 12:00 sang udto sa amo nga adlaw nagpadulong si Lydia sa ila nga balay agud kuhaon ang ila tatlo ka tuig nga bata kag nagbalik man sa balay sang iya nga tatay.
Apang alas 4:00 sang hapon sa amo man nga adlaw gin-impormar siya sang 9 – years old nga bata nga nakit-an sini ang biktima nga nagabitay sa ila balay sang pag-agi ini sa lugar.
Gilayon naman nga nagpadulong si Lydia kag tatay sini sa ila nga balay kag nakit-an sang mga ini nga nagabitay ang biktima gamit ang gingunting nga parte sang habol nga ginhigot sa iya leog.
Wala naman sang nakit-an nga foul play ang kapolisan sa nasambit nga insidente.
Pahayag naman sang live-in partner sang biktima nga makaduha na ka bes nga nagplano ini nga magkomitir sang suicide partikular na sang Marso kag Mayo subong nga tuig.

Facebook Comments