2 samdan sa pagpanigbas sa Tampakan, South Cotabato

34

Tampakan, South Cotabato—Dili pagsinabtanay gumikan sa tumang kahubog ang maoy rason sa managlahing duha ka kaso sa pagpanigbas sa Tampakan, South Cotabato.

Alas 7:30 sa gabie sa nakalabayng adlaw nakadawat ug report ang Tampakan Municipal Police Station nga adunay nahitabong pagpanigbas diin ang biktima nailang si Bobby Legarde, 49 -anyos, minyo, laborer ug residente sa Purok San Antonio, Brgy. San Roque, Koronadal City kansa gitigbas sa suspek nga si Dominador Barrera, 62-anyos, mekaniko ug residente sa Purok Paghiusa, Brgy. Poblacion, Tampakan, gamit ang sundang.


Nakaangkon ug samad sa likod sa iyang ulo ang biktima kansa daling gidala sa ospital aron ipailawom sa medikasyon.

Alas 10:00 sa gabie usab laing kaso sa pagpanigbas ang natigayon diin biktima mao si Daniel MalayonSen , 34 –anyos, residente sa Purok Maligaya, Brgy. Kipalbig, Tampakan, South Cotabato nga matud pa gitigbas sa suspek nga si Jun Tambi, 34 -anyos, farm laborer ug residente sa Purok Maligaya, Brgy. Kipalbig, Tampakan gamit ang sundang.

Nakaangkon ang biktima ug samad tinigbasan sa wala nga kamot. Malampuson usab nga nadakpan ang mga suspek samtang narekober usab sa kapulisan ang mga sundang nga gigamit sa mga nasangpit sa pagpanigbas.

Facebook Comments