COVID-19 beds sa SPMC wala nay bakante

33

Davao City – Nagproblema karon ang mga doktor sa Southern Philippines Medical Center (SPMC) tungod sa daghang bag-ong kaso sa COVID-19 nga kinahanglang i-confine.

Sa eksklusibong interview sa DXDC RMN Davao kang Dra. Marie Yvette Barez, Infection Prevention and Control Unit sa SPMC gibutyag niini, puno ug wala nay bakanteng mga beds nga maoy ilang ginapangitaa’g paagi.


“It’s time to wake up alang sa mga Davaoeños, feeling man gud nila nga dili tinuod (ang COVID-19) unless maigo sila,” segun ni Barez.

Matud sa doktroa, fully occupied na ang 3 ka mga COVID-19 ICU beds ug ang ward beds og mga pasyente.

Gitubag ni Barez ang akusasyon nga pangwarta lang sa mga doktor ang COVID-19 ug hinimo lang ang mga ihap sa kaso.

“Kung gusto sila muadto sila sa SPMC ug TTMS ug sila muduty sa kadaghang pasyente. Kung pangwarta intawon nadatu na unta mi unya sweldado ra mi sa SPMC,” sumala ni Barez.




RadyoMaN Aimee Guinita

Facebook Comments