General Santos City—himas rehas na ang duha ka mga pusher nga taga Koronadal City human nasikop sa gilusad nga buy-bust operation sa operatiba sa Philippine Drug Enforcement Agency (PDEA) Regional Office -12 nga gipahigayon sa Purok Sto. Niño, Barangay Saravia, Koronadal City alas 11:00 sa buntag, Martes, June 27, 2017.
Mga dinakpan nailhang silang si Jerson Gania, 46, ulitawo, driver, residenti sa Purok Sto. Niño, Brgy. Saravia, Koronadal ug Al Fajemolin, 35 , ulitawo, self-employed, residenti sa Barangay Avanceña, Koronadal City.
Nasikop ang mga nahisgutan human nga napalitan ug (1) ka sachet sa Methamphetamine gituohang shabu sa PDEA Agent nga nagpakarong-ingnong poseur buyer mugti sa P200.00 nga buy-bust money.
G
awas sa napalit gikan sa suspek, nakuhaan pa sila ug (1) ka big, (3) ka medium ug (2) ka sachets sa suspected shabu nga may gibug-aton nga (5) ka gramop nga gibana-banaang kantidad ug P37, 500.00; (2) ka disposable lighters, (1) ka stainless nga gunting , (1) ka pack sa transparent plastic cellophane, (5) ka buok nga open transparent plastic cellophane ug (3) ka cellular phones.
Ang mga dinakpan ang apil sa watch-listed sa PDEA ug sa kapulisan kansa operasyon sa mga nahisgutan milukop sa Koronadal City ug Tupi, South Cotabato.
Kasong paglapas sa Section 5 (Sale of Dangerous Drugs), Section 11 (Possession of Dangerous Drugs) ug Section 12 (Possession of Drug Paraphernalia) sa Article II ilawom sa Republic Act 9165 (The Comprehensive Dangerous Drugs Act of 2002) ang atubangon sa mga suspetsadong nabalhog karon sa detention Cell sa PDEA Regional Office-12.
Photo Credit to: PDEA Gensan
