Davao City – Napasaka na sa Paquibato PNP ang kaso batok sa mga suspek sa nahitabong pagpanigbas sa Purok 9, Brgy. Lumiad, Paquibato District, Davao City.
Sa pakighinabi sa DXDC RMN Davao kang Police Captain Hazel Caballero-Tuazon, Davao City Police Office (DCPO) Spokesperson, kasong murder ang gipasaka batok sa mga suspek nga kabanay ra usab sa biktima.
Una nang giingon sa usa ka Elsa Faciol, ang asawa sa biktima nga dili tinuod nga ang iyang bana maoy unang nanigbas sa igsuon niini, sukwahi sa unang gipagula nga report sa maong insidente.
Ipailawom sab sa otopsiya ang biktima aron mapalawman pa ang imbestigasyon sa mga awtoridad.
RadyoMaN Don Pulayao
Facebook Comments
