General Santos City—Sunod sunod nga nadakpan sa tropa sa Police Station 5 ang duha ka mga suspetsado sa pagpayuhot sa iligal nga droga atol sa gihimong operasyon sa area sa Barangay Calumpang, Gensan.
Unang nadakpan ang suspek nga si Vincent Malazarte, hingkod ang panuigon nga residente sa maong Barangay. Nadakpan ang nasampit pinaagi sa buy-bust operation kung asa napalitan kini ug usa ka sachet sa gituohang shabu gamit ang P500.00 nga marked money.
Sunod nga nadakpan ang suspetsadong si Dante Sonsona, legal age, residente sa susamang Barangay. Nadakpan ang nasampit sa Orchid Street, barangay Calumpang. napalitan kini ug usa ka sachet sa gituohang shabu gamit ang P500.00 nga marked money.
Si Sonsona ang kanhi nang napriso tungod sa pagpayuhot ug iligal nga droga apan nakagawas sa prisohan niadtong bulan sa Nobyembre sa nakalabayng tuig.
Human nahimong gawasnon, subling mibalik sa iligal nga gimbuhaton mao nga subling gupailawom sa surveillance hangtod nga kini nadakpan.
Kasong kalapasan sa RA 9165 ang takdang atubangon sa suspetsado kansa balhog sa silda sa Police Station 5.
