General Santos City—gidakop sa hiniusang pwersa sa Highway Patrol Group, Regional Public Safety Battalion ug Police Station 5 ang duha ka wanted nga dugay nang gipangita sa otoridad sa usa ka beach resort nga nahimutang sa Barangay Tambler, Gensan alas 3:00 ang takna sa hapon, Lunes, June 26, 2017.
Mga suspek giila nga silang si Bulid Alay, legal age ug Lumanday Mamolintao, legal age, pulos residenti sa Tantangan South Cotabato.
Una nang nakadawat ug impormasyon ang HPG ug ang RPSB nga anaa sa Tropikana beach resort ang duha ka mga wanted hinungdan nga sila gilayong nagpahigayon ug operasyon sa pakig-alayon sa Tambler Police Station gumikan ubos sa ilang AOR ang maong resort.
Wala na nakaporma ang duha ka mga suspek human nga gipresentar ngadto kanila ang Bitbit nga warrant of Arrest sa kasong arson nga ilang giatubang nga una nang gipagula ni Hon. Judge Roberto Ayco sa RTC-Branch 29 niadtong tuig 2011.
