Samaran ang biktima human kini giluba didto sa Brgy. Obay, lungsod sa Polanco mga 1:30AM niadtong adlawng lunes.
Naila ang mga biktima nga sila si Mark Laranjo Dalmacio, 20 anyos, ulitawo ug si Dino Divinagracia Tagayn, 28 anyos, pulos kini residente sa Purok Riverside, sakop sa maong lungsod.
Gituohan kining giluba nila ni Lindo Rosal Pangasian, 43 anyos, ug si Ladera Barros, 41 anyos ang duha molupyo usab sa nahisgutan nga barangay.
Sa gihimong pakigsusi sa kapulisan ang mga biktima nagsakay matod sa mortorsiklo padulong sa ilang panimalay, sa dihang anaa na sila duol sa suspek, kalit lang kining giluba ni Lindo Pangasian si Mark Dalmacio sa tiyan, sa laing bahin si Dino Tagayn ang nakadagan pa kini ug naka pangayo ug tabang.
Ang suspek naaresto kini sa mga pulis sa Polanco human kini dali nga miresponde. Samtang ang biktima dali nga gidala sa Zamnorte Medical Center alang sa hinanaling medikasyon.
Dugang pa sa gihimong imbistigasyon sa kapulisan nasayran mga alas 12:30AM, gibukbok nila ni Mark ug Dino si Lindo Pangasian didto sa brgy. Gulayon, sakop ning atong dakbayan atbang mismo sa Caltex Gas Station.
Gituohan usab ang suspek nga lango kini sa ilimnong makahubog, ang motibo sa maong maong panghitabo personal nga panagbangi sa imaging hitabo.
