Girescue sa kapulisan sa Tarlac City ang usa ka 20 anyos nga babayeng taga Bukidnon nga ginabun-og matud pa sa iyang partner.
Kini human nangayo og tabang sa dxCC-RMN Cagayan de Oro ang pamilya Ricaforte pinaagi sa Secretary sa Barangay Agusan Canyon, Manolo Fortich, Bukidnon nga si Myra Cachapero.
Sa tabang usab sa dzXL- RMN Manila, gimandoan ni PNP Chief Ronald “Bato” de la Rosa ang PNP Tarlac para daling marescue si Melanie Ricaforte gikan sa suspek nga si Raymond Cabutotan nga taga Barangay San Pascual, Tarlac City.
Kagahapon sa hapon nakuha na sa mga otoridad si Ricaforte ug nisaad ang Mayor sa Tarlac nga tabangan niini ang biktima aron makauli sa Mindanao.
Tungod niini, dako ang pasalamat sa amahan nga si Erenio Ricaforte kay daling natabangan sa RMN ug kapulisan ang iyang anak
