Patay ang 20 anyos nga lalaki matapos nga nasalabat sa pagpangluthang sang kaupod nga kainoman sang iya amay sa Purok BM, Barangay Taculing syudad sang Bacolod pasado las 6 sang gab-i, Hulyo 25.
Ginkilala ang biktima kay Dean Mar Suspeñe, soltero sang nasambit nga lugar.
Sa pagpangusisa sang DYHB, naga inom-inom ang amay ni Dean Mar nga si Patricio Suspeñe sa ila nga puluy-an upod sa mga amigo sini nga sanday Noel Valencia kag Tomas Divino, apang sang ulihi may paglalisay nga natabo sa tunga ni Noel kag Tomas rasun nga nagpauli si Noel para magkuha sang binangon kag likom sa ihibalo sang tanan si Tomas ang nagkuha man sang armas-luthang sa ila nga balay.
Pagbalik sang duha didto na nga ginhanaan ni Noel sang binangon si Tomas kag tuyo nga labu-on, apang pagkakita ni Dean Mar ini ang nagtambag sa komusyon sang duha ka abyan sang iya amay kag sang magpalupok sang armas si Tomas, naigo si Noel kag nasalabat dire si Dean Mar nga naghamyangon sa dalan kag hinali nga ginbawian sang iya nga kabuhi.
Wala labot kay Dean Mar kag Noel, may duha man nga napilasan sang masalabat sa pagpangluthang nga ginkilala sanday; Ranuel kag Jojo.
Ginhingagaw pa nga gindala sa ospital ang nagkalapilasan, apang gin bawian man sang kabuhi sa ospital si Noel Valencia bangud sa mga patal nga igo sang bala sa iya nga lawas.
Padayon naman nga ginapangita sang kapulisan si Tomas bangud ini ang nagpalagyo matapos nakumiter ang krimen.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
