20 anyos nga wanted sa kasong pagpatay, nasikop sa kapulisan sa Misamis Oriental

Nagkahiusa ang kapulisan sa Balingasag, Misamis Oriental ug Gingoog City sa pagsikop sa usa ka wanted person sa kasong pagpatay.

Ang suspek mao si Jerome Gil, 20 anyos, ulitawo ug taga Barangay Agay-ayan, Gingoog City.

Si Gil gisikop sa kapulisan kagahapon sa buntag sa Barangay Dansuli, Balingasag, Misamis Oriental.

Nasayran nga ang warrant of arrest sa suspek gi-isyu ni Hon. Mirabeus A. Andalor, Presiding Judge sa Branch 43, Regional Trial Court 10, Gingoog City.
PC: PRO 10