Nadala sa ospital ang 20 anyos nga lalaki sa dihang nasamad ang ulo.
Kini human naigo sa bato atol sa rambol kaganihang kadlawon sa D’ same Place sa dalan Corrales – Chavez ning syudad sa Cagayan de Oro.
Ang biktimang nadala sa Northern Mindanao Medical Center o N-M-M-C mao si Vincent Codoy, 20 anyos nga taga Quezon, Bukidnon.
Nasayran nga nag-inom sa maong lugar si Codoy, kauban ug higala ni Sea Jay Duga-Duga, 18 anyos nga taga Lanao del Norte ug didto ilang na-engkwentro ang dili mominus 11 ka mga suspek.
Giangkon ni Duga-Duga nga nagselos siya sa usa ka lalaking wala niya maila kay nangulitawo kini sa iyang 19 anyos nga uyab.
Matud ni Duga-duga nga iyang gisumbag ang iyang karibal maong nahitabo ang away sa duha ka grupo.
Gibutyag usab ni Codoy nga gibunalan og bato sa wala mailang suspek ang iyang ulo nga maoy naghatud kaniya sa N-M-M-C.
